Mia 3 foan heit irgendwo hie

Text: Stefan Pencik

Mia drei foan heit irgendwo hie
wäu mir san a supa Partie.
Mia lossn d´Hockn, Hockn sein
Wäu Stress den hom ma nie
mia drei foan heit irgendwo hie.

Mia drei foan heit irgendwo hie
Mia foan in die weite Prärie
Do gibt da Charly Gas ois wia
De Kurvn straft am Knia
mia drei foan heit irgendwo hie.

Durt san de Berg
und wenig Bam
oba vüle Strossn
de leiwaund kurvig san.
Do hom’s a Bier
Do gibts an Wein
So hammas gern
und dass wos g'raucht wird kenn't a sei

Mia drei foan heit irgendwo hie
Weit weg in de Geographie
Da reisst da Jimmy aun die Müh
Und bremsn tuat a nie
mia drei foan heit irgendwo hie.

Mia drei foan heit irgendwo hie
mia san nimma weit weg vom züh
Da Stevie hot sie leicht verfoan
Der find´ uns sicher nie
mia drei foan heit irgendwo hie.

Furn woart de Heeh
Drum beib ma steh
De Kieberei de hoit ma jetzt am Schmäh
De Auspuff z’laut
Jetzt werma gwetzt
so schnö kaunst goa
net schaun san uns de Taferln gfetzt.

Mia drei foan heit nirgendst mehr hie
Ka Moped und a ka Marie
Mia lossn d´Hockn, Hockn sein
wäu Stress den hom ma nie
mia drei foan heit nirgendst mehr hie.

Des kauns jo no ned gwesn sein
Wäu fad woarn wir no nie
mia drei gengan zfuass heit wo hie

Des kauns jo no ned gwesn sein
Wäu fad woarn wir no nie

Mia drei gangan zfuass heit wo hie

Mia drei gengan zfuass heit wo hie

Mia drei gengan zfuass jetzt wo hie