I stöh mei Harley oh

Text: Stefan Pencik

Im letzt'n Joah, do woa es Wetta ziemlich mies
do is nua g'fahrn was a echta Bika is.
I bin hoid no so ana vom oiden Schlag
I foa bei Regen - Sturm a jeden Tog
Doch kummt a der Moment wo's mi net gfreit
I tank no amoi voi jo und dann wird's Zeit

I stell mei Harley oh
Der erste Schnee is do
Ob heit is Pause füa a Weil
Kalt wia in Weissrussland
Do hilft ka warmes Gwand
Sog meiner Amibraut goodbye

Stells auf an groden Fleck
Und in a trockans Eck
Dass ma ned umfoit oda rost

Füa heia is jetzt Schluß
a letzta Abschiedsgruß
im nächst'n Frühjoa geh ma's wida aun

De Zeit vergeht, im Radio sagn's es wird bald warm
Jetzt dauerts nimma lang zum Harley fahrn
Da Schnee is weg, de Nacht wird kurz, da Tog nimmt zua
I wort a bissl no und gib a Ruah
Bis i des Jucken in de Händ daun g'spür
I geh in die Garage, sperr auf de Tüa

Jetzt geh i's wieda oh
De scheene Zeit is do
Für'd erste Ausfahrt bin i bereit
Wüll foan durchs ganze Land
Mit'n schworzen Ledagwand
I hoff mei Schatzerl springt glei an

I kriag an riesen Schreck
Siech nua vom Öl an Fleck
Des gibt's jo ned hob i ma no gedocht
Es steht ka Harley do
I scheiß mi halbert oh
De ham's ma gfladert mitt'n in da Nocht
So a schaas